AÐEINS 6 BIL EFITR!

Kynnum til sölu 107,6 fermetra iðnaðar- eða geymsluhúsnæði við Hólmbergsbraut 13 í Keflavík. Um er að ræða rými á einni hæð með tveimur inngangshurðum með möguleika á millilofti. Nýbygging sem samanstendur af 14 sérrýmum.

Hólmbergsbraut 13 er vel hannað atvinnuhúsnæði sem er hentugt fyrir smáiðnað, geymslu eða aðra atvinnustarfsemi. Hver eigandi hefur möguleika á að innrétta rýmið eftir eigin þörfum, og er það afhent tilbúið til frekari útfærslu.

- Bílskúrshurð er 4,0m á breidd og 4,2m á hæð.
- Möguleiki á millilofti.
- 14,8m á lengd og 6,9m á breidd.
- Tvær inngönguhurðir, framan og aftan.
- Lofthæð upp í mæni er 6,9m.

Lýsing eignar:
Eignin er iðnaðar- eða geymsluhúsnæði á einni hæð í notkunarflokki 1. Möguleiki er á að setja upp milliloft. Eigninni er skilað án innveggja og innréttinga, þannig að kaupandi getur innrétt í samræmi við eigin þarfir. Ekki eru settar snyrtingar í rýmin en lagnakerfið er hannað með það í huga að kaupandi geti komið þeim fyrir síðar, ef þörf krefur. Allir innveggir verða málaðir.

Byggingarlýsing:
Byggingin er vönduð og gerð úr staðsteyptum veggjum. Þak klætt með samlokueiningum úr steinull sem hvíla á límtrésbitum. Undirstöður eru steyptar og botnplata einangruð. Innveggir milli rýma eru steinsteyptir. Útveggir eru steinsteyptir, einangraðir með steinull og klæddir lyggjandi báruáli. Gluggar eru álgluggar með tvöföldu einangrunargleri. Tvær inngangshurðir eru til staðar, ein að framan og önnur að aftan, auk innkeyrsluhurðar sem er gluggalaus með mótoropnun. Almenn loftræsting með opnanlegum fögum. Hvert bil hefur eigið kaldavatnsinntak, hitaveituinntak og rafmagnstöflu. Gólfið er steypt og afhendist án frekari frágangs.

Lóð og aðkoma:
Heildarstærð lóðar er 3.841,2 m², skilgreind sem iðnaðar- og athafnalóð. Tvö stæði eru útreiknuð fyrir hvert bil. Lóðin er malbikuð á framhllið. Aftan við bygginguna verður hæðarmunur jafnaður með grjóthleðslu eða sambærilegu.

Bókið skoðun:

Valgeir Leifur / Löggiltur fasteignasali / 780-2575 / [email protected]